YousifMind

 اليوم حبيت أكلمكم عن فلم Tristan + Isolde العاشقين الي حبهم ما كان تحت جو مثالي .. 

القصه تتكلم عن فترة الحرب بين ايرلندا و انجلترا و كيف كانت ايرلندا تحاول أن يكون انقسام انجلترا دائم .. تحت هذي الأحداث الواقعيه يقع أثنين تحت رحمة الحب فالفتاة هي بنت ملك ايرلندا .. و الرجل هو الولد الذي قام بتبنيه أحد ملوك قبائل انجلترا .. اشلون يصيرون تحت ستار الحب مع بعدهم عن بعض ؟ اشلون بيحبون بعض والقبايل الي ينتمون لها اساسا هي ضد بعض و على حالة حرب دائمه !!

انصحكم تشوفونه ..

 نوع الفلم : دراما – رومانس – تاريخي

تقييمي للفلم A 

أكثر فلم متمحس اني اشوفه هو فلم Jessica Alba اليديد والي هو بالاساس النسخة الانجليزيه لفلم آسيوي صدر من زمان ..

القصة تتكلم عن بنت عمياء طول عمرها .. و لما كبرت سوت عملية لعيونها عشان تعيد بصرها .. و لكن قامت تشوف أكثر من ما يشوفونه البشر !

قصة غامضه و عجبتني .. شكله رعب على غموض احب هالنوع من الافلام ..

الفلم بينزل بأول يوم في فبراير (شهر 2 ) من سنة 2008 في السينما الامريكيه (بشهر عطلتي !! وناسه )

فلم The Holiday مثل ما انتو شايفين Kate Winslet موجوده بالفلم يعني غصب تشوفونه لول ..

كعادتي ما احب اتكلم عن القصه لأن احس بتخرب عليكم الفلم ..

انصحكم تشوفونه .. الفلم خليط بين الرومانسيه مع الكوميديا (احسن مكس بالنسبه لي)

و الكوميديا بهالفلم أحب أسميها الكوميديا الراقيه الي تضحكك بمواقفها مو ان الانسان يمصخر نفسه علشان يضحكك .. لكن الكوميديا بالمواقف الي تضحك

تقديري للفلم +B

لا تخليه يطوفك على ضمانتي

في يوم ليلة الـchristmas كانت لا تزال Angela في العمل بسبب انه قد بقي عليها الكثير من الأعمال و التي لا تتحمل التأجيل .. عندما انتهت من اعمالها و ذهبت الى الـParking لتذهب في سيارتها لأنها تأخرت جدا عن أهلها .. و ياللموقف الأرف لووووووووول سيارتها ما تشتغل !!!!!!! هذا وقته !! ما تشتغل !! ..

المهم مابي اخرب عليكم الفلم .. و لكن الفلم لم يقدم أي شيء اضافي لأفلام الرعب .. حتى اني ما انصحكم اتشوفونه .. اذا ابي انصحكم شوفوه عشان البطله لأنها over حلوه ..

تقديري له : C-

Ok.. عمرك شفت فلم من فترة طويله و مو قادر تمسحه او تنساه من ذاكرتك ؟ … هذا الي قاعد يصير فيني حاليا من هالفلم .. الي اذكر شفته آخر مره من 3 سنوات تقريبا .. يبقى الأقوى و الأفضل و الأمتع ..

الي ما شاف الفلم .. انصحه يشوفه الحين بأي طريقة .. يشتريه أو يسويله Download .. صدقني ما راح تندم ولو لثانيه .. الفلم يبقى له مكان في قلبي مستحيل يقرب منه اي فلم .. الفلم صدر للسينما سنة 1939 و سنة عن سنه تحس انه يبدع\يكبر أكثر ..

مدة الفلم : 3 ساعات و39 دقيقه من الذهب ..

للي يثق بتقاييم الافلام ..

Yahoo

و على ضمانتي بيدخل بقائمة الTop 3 بقائمة افضل ما شاهدت في حياتك ..